Rusiya ordusunun Ukraynadakı itkiləri – Baş Qərargahdan yeni açıqlama

Fevralın 24-dən martın 20-dək Rusiya qoşunlarının Ukraynadakı itkiləri təxminən 14.7 min nəfərdir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Bundan əlavə, rus ordusu 476 tank, 1487 zirehli döyüş texnikası, 230 artilleriya sistemi, 74 yaylım atəş sistemi, 44 hava hücumundan müdafiə sistemi, 96 döyüş təyyarəsi, 118 helikopter, 947 nəqliyyat vasitəsi, 3 gəmi/kater, 60 yanacaq çəni, 21 əməliyyat-taktiki dronu, 11 xüsusi texnika itirib.

Baş Qərargahdan bildirilib ki, məlumatlar yenilənir, hesablama hərbi əməliyyatların yüksək intensivliyi ilə çətinləşib.