Qahirədə 6 mərtəbəli bina çökdü

Misirin paytaxtı Qahirədə 6 mərtəbəli bina çöküb.

Teleqraf.com “Anadolu” agentliyinə istinadən xəbər verir ki, ilkin məlumatlarda hadisə nəticəsində 12 nəfərin öldüyü, xeyli insanın isə yaralandığı bildirilir. Yaralananlar isə təcili yardım maşınları ilə bölgədəki xəstəxanalara qaldırılıb.

Rəsmilər yaralıların vəziyyətinin ağır olması səbəbilə ölü sayının artacağını istisna etmir. Şahidlər isə binanın zirzəmisində çayxananın da fəaliyyət göstərdiyini və çöküntülər altında çox insanın qaldığını qeyd edirlər.

Hadisə yerinə çoxlu sayda xiasetmə briqadaları cəlb edilib.

Samir