Belarus sərhədin mühafizəsini gücləndirdi - Ukrayna Baş Qərargahı

Belarus hərbi birləşmələri Ukrayna ilə sərhədin Brest və Qomel vilayətlərindəki hissəsini intensiv mühafizə edir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı öz Facebook səhifəsində məlumat yayıb:

"Belarus Respublikası Silahlı Qüvvələrinin bölmələri Brest və Qomel vilayətlərində Belarus-Ukrayna sərhəd hissəsinin mühafizəsinin gücləndirilməsi üzrə tapşırıqları yerinə yetirir. Eyni zamanda xüsusi əməliyyat qüvvələrinin bölmələrində döyüşə hazırlığının yoxlanıldığı qeyd edilib”.

Qeyd edək ki, iyunun 28-də Belarus Ukrayna ilə sərhəddə hərbi hazırlıq elan edib.

Ukrayna hesab edir ki,Volın və Polesski istiqamətlərində təxribatlar mümkündür.