27 Sentyabr 2022 10:05
1 015
12 Punto 14 Punto 16 Punto 18 Punto

“Rusiya səfərbərlik üçün oktyabrın 1-dən sonra Ukrayna ilə müharibədə alınan əraziləri “ilhaq etmək” niyyətini reallaşdırmağa çalışacaq".

Teleqraf.com xəbər verir ki, bu barədə Müharibə Araşdırmaları İnstitutunun hesabatında deyilir.

“Kreml çox güman ki, həmin ərazilərdəki Ukrayna vətəndaşlarını Rusiyanın hərbi çağırış dövrünə daxil edəcək, Ukrayna vətəndaşlarının öz ölkələrinə qarşı döyüşmək üçün məcburi səfərbərliyini genişləndirəcək”, - hesabatda deyilir.

İndi bu kateqoriya Putinin qismən səfərbərlik haqqında hazırkı fərmanının hüquqi meyarlarına cavab vermir.

“Rusiya qanunvericiliyinə uyğun olaraq, “Rusiya vətəndaşları” kimi ilhaq edilmiş ərazilərdə 18-27 yaş arası ukraynalı kişilər də hərbi xidmət hüququna malik olacaqlar”, - ekspertlər qeyd edirlər.

Eyni zamanda, analitiklər qeyd edirlər ki, bəzi ukraynalılar artıq Rusiya Federasiyası Silahlı Qüvvələrinin sıralarına səfərbər olunublar. Belə ki, Sevastopolun “qubernatoru” Razvojayev sentyabrın 25-də Krım və Sevastopolda 2 minə yaxın insanın səfərbər olması barədə məlumat verib.

Melitopolda oktyabrın 10-dək “3 min nəfərə qədər könüllü batalyon” yaratmaq tapşırıldığı qeyd olunur.

Sentyabrın 26-da isə Luqansk vilayətinin Svatovski rayonunun kişi əhalisinin “səfərbərliyi” edilib.


Müəllif: Nemət