Zelenskidən İran mesajı – “Adınıza layiq…”

İranın “Şahid” pilotsuz uçan aparatları və ya başqa silahlar Rusiyaya müharibədə qalib gəlməyə kömək etməyəcək.

Teleqraf.com xəbər verir ki, bunu Ukrayna Prezidenti Vladimir Zelenski deyib.

O, Rusiya qüvvələrinin İrandan alınmış kamikadze dronlarından istifadə edərək Belaya Tserkov şəhərinə gecə hücumunu xatırladıb.

“Belaya Tserkov kimi şəhərlərimizi bombalamağa çalışdığınız iranlı “Şahid”lər kimi dünyanın ayrı-ayrı yerlərindən “rus dünyası”nın adına layiq başqa silahlar tapsanız belə, yenə də bunların sizə faydası olmayacaq”, - Zelenski bildirib.