Avropa Parlamentində Rusiya böhranı: "Bu, bizim müharibəmiz deyil"

"Mən Demokratiya Qrupundan ayrılıram. NATO və Ukrayna ilə bağlı fikirlərimə görə məni susdurmaları dözülməzdir”.

Teleqraf.com xəbər verir ki, Avropa Parlamentinin (AP) hollandiyalı deputatı Marsel de Qraff Rusiya əleyhinə olduğu iddiaları ilə bağlı Demokratiya Qrupundan ayrıldığını açıqlayıb.

Paylaşımında bildirib ki, Rusiya ilə gərginliyi azaltmalıyıq: “Bu, bizim müharibəmiz deyil, ancaq bunun bədəlini biz ödəyirik”.

O əlavə edib ki, fikirlərini dəstəkləyənlərlə yeni bir qrup yaratmaq niyyətindədir.

De Qraff təxminən 10 ildir ki, Avropa Parlamentində təmsil olunur.