Rusiyanın silah anbarları məhv edildi - Ağır döyüşlər gedir

Ukrayna ordusu gün ərzində Ukraynanın cənubunda 25 düşmən hərbçisini, döyüş sursatı olan üç anbarı, üç “Hradi”, “Akatsiya”, “Nona” və “Tor”ları məhv edib.

Teleqraf.com xəbər verir ki, bu barədə Ukrayna Silahlı Qüvvələrinin “Cənub” əməliyyat komandanlığı məlumat yayıb.

“Aviasiyamız canlı qüvvə və texnikanın cəmləşməsinə, zenit-raket kompleksinə və düşmənin güclü nöqtəsinə 8 hava zərbəsi endirib. Raket və artilleriya bölmələrimiz 160-a yaxın atəş tapşırığı həyata keçirib. Düşmən ordusunun 25 canlı itkisi, 3 raket, “Qrad” sistemləri, “Akatsiya” özüyeriyən iri çaplı haubitsa, “Nona” özüyeriyən artilleriya və minaatan qurğusu, “Tor” zenit-raket kompleksi, 11 ədəd zirehli texnika, sursata dolu olan 3 anbarı məhv edib”, - bildirilib.

Eyni zamanda qeyd olunub ki, Qara dənizdə Krım sahillərində manevrləri davam etdirən 10 gəmidən ibarət qrup var. Səkkiz kalibrlə təchiz edilmiş bir böyük desant gəmisi və bir yerüstü raket daşıyıcısı gözləmə rejimindədir.