“Ukrayna müharibədə qalib gələcək” - General

“Ukrayna bu müharibədə mütləq qələbə qazanacaq".

Teleqraf.com xəbər verir ki, bunu Ukrayna Silahlı Qüvvələrinin Komandanı Valeri Zalujnı hərbçiləri Quru Qoşunları Günü münasibətilə təbrikində bəyan edib.

Rusiyaya qarşı müharibəyə komandanlıq edən Zalujni bildirib ki, doğma torpaq Ukrayna müdafiəçilərinə güc verir:

“Sizi Ukrayna Silahlı Qüvvələrinin Quru Qoşunları Günü münasibətilə ürəkdən təbrik edirəm! Doğma vətənimiz onu müdafiə etmək üçün bizə güc verir. Ukrayna buna tab gətirdi və mütləq qalib gələcək. Sizə təşəkkür edirəm, qardaş və bacılar! Xidmət və anda sadiqik".

O, həmçinin Rusiyanın Ukraynaya qarşı müharibəsində canlarından keçənləri də yad edib: “Şəhid olan əsgərlərə əbədi xatirə! Bizim borcumuz həm özümüz, həm də onlar üçün mübarizəni davam etdirmək, onların ailələrinə dəstək olmaqdır”.