Türk Hava Yollarından uçuşlarla bağlı - Açıqlama

Türk Hava Yolları (THY) zəlzələ bölgəsinə çatmaq istəyən vətəndaşlar üçün Adana, Elazığ və Diyarbəkirə uçuş əməliyyatlarının fasiləsiz davam etdiyini açıqlayıb.

Teleqraf.com xəbər verir ki, THY-nin mətbuat müşaviri Yahya Üstün sosial media hesabında Hatay aeroportunun bütün uçuşlara bağlı olduğunu deyib.

Onun sözlərinə görə, Kahramanmaraş, Qaziantep, Malatya və Adıyaman hava limanlarının yalnız humanitar yardım və axtarış-xilasetmə qruplarının bölgələrə çatması üçün istifadə edildiyini bildirib: "Vətəndaşlarımızın bölgəyə çatması üçün Adana, Elazığ və Diyarbəkir hava limanlarında fəaliyyətimizi fasiləsiz davam etdiririk".