Kim Çen Inın qızının adına markalar buraxıldı – Foto

Şimali Koreya üzərində Kim Çen Inın qızı təsvir edilən bir sıra markalar təqdim edib. Onlar ötən ilin noyabrında “Hvason-17” qitələrarası ballistik raketinin sınaq buraxılışına həsr olunub.

Teleqraf.com xəbər verir ki, markalar KXDR-in poçt saytında dərc olunub.

Bildirilir ki, 10 yaşlı Kim Çju Enin atası ilə birlikdə baş çəkdiyi “Hvason-17” kompleksi 15 min km uçuş məsafəsinə malikdir və eyni anda bir neçə nüvə yükünü hədəflərə çatdıra bilən çoxsaylı döyüş başlığı var.

Ötən həftə Şimali Koreya liderinin qızı KXDR ordusunun yaradılmasının 75-ci ildönümünə həsr olunmuş hərbi paradda iştirak edib, bundan sonra Cənubi Koreya mediası onun dövlət başçısının varisi olacağı ehtimalını müzakirə etməyə başlayıb.

Kim Çen In və həyat yoldaşı Li Sol-Çjunun 2010, 2013 və 2017-ci il təvəllüdlü iki qızı və bir oğlu var.