“Əl-Cəzirə”nin aparıcısından sərt sözlər: “Vətənpərvərlə qanqster arasındakı fərq budur”

Qətərin “Əl-Cəzirə” telekanalının suriyalı aparıcısı Fəysal əl-Qasım ötən həftə Türkiyə və Suriyada çoxsaylı ölümə və böyük dağıntılara səbəb olan zəlzələlərlə bağlı diqqətçəkən açıqlama verib.

Teleqraf.com xəbər verir ki, jurnalist zəlzələdən sonra türk nazirlərin dərhal hadisə yerinə tələsdikləri halda Suriya hökumətinin nazirlərinin qəlyan çəkib televizora baxdıqlarını deyib.

“Türkiyədə zəlzələnin ilk günündən bəri evində oturan nazirlərə və onların köməkçilərinə, böyük və kiçik dövlət məmurlarına rast gəlməzsiniz. Zəlzələnin ilk günündən Türkiyə şəhərlərində zəlzələdən zərər çəkmiş insanlara, xilasetmə əməliyyatlarına və yardımlara nəzarət edir. Hətta təhsil naziri də evdə deyil, kabinetin bir çox naziri zəlzələ yerindədir. Mənə zəlzələdən zərər çəkmiş bölgələrə gedən bir Suriya naziri göstərin. İndi hamısı qəlyan çəkir, televizora baxır. Vətənpərvər dövlətlə (Türkiyə) rəzil qanqster dövlət (Suriya) arasında fərq budur”, - əl-Qasım bildirib.