Ukrayna ABŞ-dan qırıcı təyyarələr istəyir

Ukraynanın Baş naziri Denis Şmiqal ABŞ-nin müdafiə naziri Lloyd Ostinlə görüşündə “F-15” və “F-16” qırıcılarının Ukraynaya çatdırılmasını istəyib.

Teleqraf.com xəbər verir ki, bu barədə Pentaqonda ABŞ müdafiə naziri ilə görüşdən əvvəl Ukrayna Baş naziri mətbuata verdiyi açıqlamada bildirib.

Nazir Ostin ukraynalıların cəsarəti və möhkəmliyinin amerikalıları heyran etdiyini və Rusiya-Ukrayna müharibəsi nə qədər davam etməsindən asılı olmayaraq, ABŞ-nin Ukraynaya dəstəyini davam etdirəcəyini qeyd edib.

Baş nazir Şmiqal isə daha çox hərbi dəstəyə ehtiyac duyduqlarını və daha az itki ilə sürətli qələbəyə nail olmaq üçün hava hücumundan müdafiə sistemlərinin təmin edilməsinin lazım olduğunu bildirib.

Şmiqal onu da bildirib ki, ölkəsinin ağır texnika və təyyarələrə ehtiyacı var.

Şmiqal Ostinə “Abrams” tankları, həmçinin “Bradley” və “Stryker” piyada döyüş maşınlarını Ukraynaya verdiyinə görə təşəkkür edib: “ABŞ Ukraynanı “F-15” və ya F-16” ilə təchiz etməklə liderliyini bir daha göstərə bilər”.