Rusiya ilə bağlı sürpriz qərar: Dayandırıldı

İyunun 1-dən etibarən ABŞ strateji silahlarının statusu və yeri ilə bağlı məlumatların Rusiyaya ötürülməsini dayandırıb.

Teleqraf.com xəbər verir ki, bu barədə ABŞ Dövlət Departamentinin açıqlamasında deyilir.

Departament qeyd edir ki, ölkələr Strateji Silahların Azaldılması Müqaviləsi (START) çərçivəsində bu cür məlumat mübadiləsi aparıblar, amma Moskva bununla bağlı öhdəliklərini dayandırıb.

Həmçinin bildirilir ki, Vaşinqton Moskvaya qitələrarası və sualtı gəmilər üçün nəzərdə tutulmuş ballistik raketlərin buraxılışlarının sayı barədə məlumat verməyəcək, amma belə buraxılışlar barədə Rusiyanı məlumatlandırmaqda davam edəcək.

Bundan başqa, ABŞ Rusiyaya START çərçivəsində Amerika ərazisində yeni yoxlamalar aparmağa icazə verməyəcək.