Ruslar təsdiqlədilər - "Hücuma keçiblər, irəliləyirlər"

Ukrayna hərbi qüvvələri Xerson vilayətinin sol sahilində irəliləməyə davam edir. Hazırda Krınık qəsəbəsi yaxınlığında döyüş gedir.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu məlumat yayıb.

Ukrayna Silahlı Qüvvələrinin Xerson vilayətində irəliləyişini Rusiya mənbələri də təsdiqləyib. Rusların bildirdiklərinə ggörə, Ukrayna qoşunları Krınıkın qərb hissəsi yaxınlığında nəzarət zonasını genişləndirib.

Rusiya ordusu TOS-1A “Solntsepek” ağır alov qurğusundan termobarik sursatlarla Ukraynanın mövqelərinə zərbələr endirir.

Bundan əlavə, Ukrayna qüvvələri Poyma və Pişçanivka istiqamətində də hücuma başlayıb.