İki kritik məsələ birdən çözülür – Türkiyəyə gəlirlər

ABŞ Konqresinin Nümayəndələr Palatasının Silahlı Qüvvələr Komitəsinin rəhbər heyəti bu gün Ankaraya gəlir.

Teleqraf.com xəbər verir ki, amerikalı konqresmenlər müdafiə naziri Yaşar Gülər​lə görüşəcəklər.

Türkiyə Müdafiə Nazirliyinin məlumatına görə, görüşdə ikitərəfli hərbi və müdafiə əlaqələri müzakirə olunacaq.

Masada terrorla mübarizə, ABŞ-nin PKK/YPG terror təşkilatına dəstəyi, Ankaraya F-16 qırıcılarının tədarükü və modernləşdirmə prosesi kimi mövzular da olacaq.

Nümayəndə heyətinin Ankaradakı yeganə təması Gülərlə olmayacaq, Türkiyə parlamentinin Müdafiə Komitəsinin sədri Hulusi Akarla da görüş nəzərdə tutulur.