Ukraynanın silah-sursatı tükənir - Rus ordusu irəliləyir

Ukraynanın hava hücumundan müdafiə imkanlarının azalması Rusiya ordusuna strateji bomba zərbələrinin köməyi ilə cəbhədə Ukraynanın müdafiəsini ciddi şəkildə zəiflətməyə imkan verir.

Teleqraf.com xəbər verir ki, bu barədə ABŞ-nin Müharibə Araşdırmaları İnstitutu (ISW) məlumat yayıb.

Təhlildə deyilir ki, Ukraynada artilleriya çatışmazlığı səbəbindən Rusiya qüvvələri taktiki irəliləyiş əldə ediblər:

“ABŞ-nin təhlükəsizlik yardımı göstərməkdə davam edən gecikmələr Ukraynanın effektli müdafiə əməliyyatları aparmaq imkanlarını məhdudlaşdırır, həmçinin hücum əməliyyatlarını davam etdirən Rusiya qüvvələrinə çeviklik verir”.