Diyarbəkirdə yanğın - 15 nəfər öldü

Türkiyənin Diyarbəkir vilayətinin Çinar rayonu ilə Mardin vilayətinin Mazıdağı rayonları arasındakı ərazidə baş verən və yaşayış məntəqələrinə yayılan yanğında ölənlərin sayı 15-ə yüksəlib.

Teleqraf.com xəbər verir ki, Mardin Vilayət Səhiyyə İdarəsinin məlumatına görə xəstəxanalarda müalicə alan 3 nəfər də dünyasını dəyişib.

Yanğın zamanı bədən xəsarətləri alan iki nəfərin isə müalicsi davam etdirilir.

Qeyd edək ki, iyun ayının 20-də saat 22.15 radələrində Diyarbəkirin Çinar rayonunun ərazisində baş verən yanğın daha sonra küləyin təsiri ilə çox geniş əraziyə yayılmışdı.