Keniya ordusundan Somalidə anti-terror əməliyyatı

Keniya təyyarələri Somalidəki “əş-Şəbab” terror qrupunun mövqelərinə hava zərbələri endiriblər.

Teleqraf.com BBC-ə istinadən xəbər verir ki, bu barədə Keniya Müdafiə Nazirliyi açıqlama verib. Verilən açıqlamada təyyarələrin əsasən Somalinin Gedo rayonunu hədəf aldıqları bildirilib.

Bu ötən həftə 148 adamın ölümü ilə nəticələnən Qarissa universitetinə edilən basqından sonra Keniyanın ilk reaksiyası hesab olunur. Hücumdan sonra Keniya prezidenti Uhuru Kenyatta basqına mümkün qədər sərt cavab veriləcəyini vəd edib.

Samir