İran Avropa ilə əməkdaşlığa hazırlaşır

İran nüvə sazişindən sonra Avropa ilə sənaye və ticarət əlaqələri qurmağa hazırlaşır.

İran neft nazirinin kommersiya və xarici əlaqələr üzrə müavini Hossein Zamaninia iyulun 23-də investorların Vyanada keçirilən konfransında bildirib ki, Tehran ümumilikdə 185 milyard dollarlıq 50 neft və qaz layihəsi hazırlayıb və bunları 2020-ci ilədək imzalamaq ümidindədir.

Sənaye və dağ-mədən sənayesi naziri Mohammad Reza Nematzadeh da bildirib ki, İran Avropadan mal almaq əvəzində texniki və mühəndislik sahələrində ikitərəfli ticarət əlaqələrinə can atır.

O qeyd edib ki, son iki həftə ərzində Avropa şirkətləri ilə 2 milyard dollarlıq xeyli layihə razılaşdırılıb.

Amma nazir əlavə detallar barədə məlumat verməyib.