Mayk Tayson malikanəsini satışa çıxarıb

Peşəkar boksçular arasında sabiq dünya çempionu Mayk Tayson ABŞ-ın Las-Veqas şəhərindəki malikanəsini satışa çıxarıb.

"Report"un TMZ-yə istinadən verdiyi məlumata görə, Tayson 600 kvadratmetrlik evinə 1,5 milyon dollar qiymət qoyub.

Onun özü isə qonşuluqdajı daha geniş villaya köçəcək. 49 yaşlı idmançı malikanəsində 2008-ci ildən yaşayırdı. İlin əvvəlində "Dəmir Mayk" mənzilində əsaslı təmir aparıb. İkimərtəbəli apartamentdə 5 yataq, 6 vanna otaqları, kinoteatr, bir neçə kamin, çaxır anbarı, habelə, cakuzili və şəlaləli hovuz var.