Türkiyənin növbəti hədəfi - Mabadlı

“Zeytun budağı” əməliyyatı çərçivəsində Raco və Şeyx Hadid bölgələri terrorçulardan təmizləyən Türkiyə Silahlı Qüvvələri və Azad Suriya Ordusunun qarşısındakı hədəf Afrinin qonşuluğundakı Mabadlı kəndidir.

Teleqraf.com Türkiyə KİV-inə istinadla xəbər verir ki, dünən Türkiyə saatı ilə 16:00-da Cindərəsin terrorçulardan azad olunduğu əməliyyatda çoxlu sayda terrorçu zərərsizləşdirilib.

Cindərəsin mərkəzi tamamilə boşaldılıb, mülki şəxslərin terrorçular tərəfindən Afrinə aparıldığı güman edilir. PKK/PYD-nin tunellərdə otaqlar düzəldib isinmək üçün qaz sobaları qurduğu üzə çıxıb.

Hazırda Türkiyə Mabadlı kəndini terrorçulardan azad etmək üçün hərəkətə keçib. Mabadlı azad edilərsə Türkiyənin Afrinin mərkəzinə yolu açılmış olacaq.