Azərbaycan prezidenti ilə görüşmək şərəf idi - Sofiyadan paylaşım

Dünyanın ən məşhur robotu Sofiyanın rəsmi Tvitter mikrobloqunda Azərbaycana səfəri və Prezident İlham Əliyevlə görüşə dair paylaşım edilib.

Teleqraf.com-un məlumatına görə, Sofiyanın ölkə başçısı ilə birgə çəkilmiş fotosu yerləşdirilib və səfərlə bağlı tvit yazılıb.

"Azərbaycan prezidenti ilə görüşmək şərəf idi. Biz "ASAN Xidməti" və süni intellektin dövlət sektorunu necə inkişaf etdirə biləcəyini müzakirə etdik. Məni qəbul etdiyiniz üçün çox sağ olun", - deyə qeyd olunub.

Xatırladaq ki, Sofiya dünyada ilk süni intellektli humanoid robotdur. Bu robot 2015-ci ildə “Hanson Robotiks” şirkəti tərəfindən hazırlanıb və süni intellekt əsasında insanla ünsiyyət saxlaya, fikir mübadiləsi apara bilir. Robotun əsas fərqləndirici xüsusiyyətlərindən biri də insana məxsus 60-dan çox emosiyanı əks etdirməsidir. Sofiya robotu bu günə qədər dünyada bir çox məşhur simalarla görüşüb, tanınmış televiziya kanallarında, xəbər proqramlarında və tele-debatlarda iştirak edib. Məşhur robotun oktyabrın 22-də İmişli "ASAN Həyat” kompleksində Prezident İlham Əliyevlə dialoqu olub.