Rəsmi Ankaradan tələb: Bayrağı yandıran ermənilər cəzalandırılsın

Rəsmi Ankara Beyrutda Türkiyənin bayrağını və Rəcəb Tayyib Ərdoğanın şəkillərini yandıran ermənilərin cəzalandırılmasını tələb edib.

Teleqraf.com xəbər verir ki, Türkiyə XİN-in yaydığı açıqlamada dövlət atributlarına olan həqarət qətiyyətlə pislənib və təxribata görə məsuliyyət daşıyan şəxslərin cəzalandırılması istənilib.

Qeyd edək ki, oktyabrın 26-da Türkiyənin Livanın paytaxtı Beyrutdakı Səfirliyi önündə bir qrup təxribatçı erməni nümayiş keçirib. Onlar Türkiyə bayrağını və Prezidentinin şəkillərini yandırıblar.