Azərbaycan və Rusiya XİN başçıları telefonla danışdı

Rusiyanın Xarici işlər naziri Sergey Lavrov və Azərbaycanın Xarici işlər naziri Ceyhun Bayramov arasında telefon danışığı olub.

Teleqraf.com xəbər verir ki, bu barədə Rusiya Xarici İşlər Nazirliyi məlumat yayıb.

Məlumata görə, XİN başçıları Rusiya, Azərbaycan və Ermənistan liderlərinin 11 yanvar 2021-ci il tarixli Moskva razılaşmasının həyata keçirilməsini, eləcə də ikitərəfli və beynəlxalq gündəliyin bir sıra aktual məsələlərini müzakirə ediblər.