"Peyvəndləmədən sonra immunitet yaranırsa, Aİ ölkələri niyə..." - İqtisadçı

“Avropa İttifaqı (Aİ) ölkələri bu günə 500 milyon dozaya yaxın vaksin alıb, bu ilin sonuna qədər daha 500 milyon doza da alacaq, dünən isə 2022-23-cü illərdə 1,8 milyard doza vaksin satın alınacağı ilə bağlı yeni müqavilələr imzalanıb”.

Teleqraf.com xəbər verir ki, bunu iqtisadçı Natiq Cəfərli deyib.

O bildirib ki, Aİ ölkələrində 500 milyona yaxın insan yaşayır, hamıya vaksin vurmaq üçün 1 milyard doza lazımdı: “Bu il proses tamamlanmalıdır. Maraqlıdır, əgər vaksinləşmə virusdan qurtulmağın tək yoludursa, əgər peyvəndləmədən sonra “kütlə immuniteti” yaranacaqsa, nədən Aİ 2022-23-cü illər üçün əlavə 2 milyard dozaya yaxın vaksin sifariş edir?! Nədən eyni yolla ABŞ, Kanada, Britaniya, İsrail də gedir?! Onlar da yaxın 2 il üçün əhali saylarından 3 dəfə artıq vaksin sifariş veriblər.

Bu o deməkdir ki, vaksin dünya vətəndaşlarına hər 6-8 aydan bir vurulmalıdır?! Bu o anlama gəlmirmi ki, kütləvi immunitet yaranmır?! Dünya nə zamana qədər vaksin olunaraq yaşayacaq?! Əgər vaksin virusdan qorumursa, nədən vurulur?! Qoruyursa, niyə təkrar vurulmalıdır?! Əgər vaksinin təsir müddəti 6 ay civarındadırsa, ömrümüzün sonunadək hər kəsi 6 aydan bir vaksinləmək lazımdırmı?! Bəs bu qədər tez-tez vaksin qəbulunun insan orqanizmində hansı fəsadlara yol açacağını araşdıranlar varmı?!

Əgər virusun fərqli ştammları yaranacaqsa, hansısa ölkələrdə virus ocaqlara qalsa, sonradan həmin ocaqlar yenidən dünyaya yayılmayacaqmı?! Axı, Uhanda 1 nəfərdən başlayan virus cəmi 3 aydan sonra bütün qitələrə yayıldı...”