ABŞ səfirliyindən Edillidəki məzarlıqla bağlı bəyanat - "Dəhşətə gəlirik"

ABŞ-ın Azərbaycandakı Səfirliyi Xocavəndin Edilli kəndindəki kütləvi məzarlıqla bağlı açıqlama yayıb.

Teleqraf.com xəbər verir ki, ABŞ-ın Azərbaycandakı səfirliyinin bəyanatında deyilir:

“Biz onilliklər boyu davam edən bu münaqişə zamanı insan tələfatından dəhşətə gəlirik və həlak olanların və yaralananların ailələrinə dərin hüznlə başsağlığı veririk. ABŞ törədilmiş qırğınlar, vəhşiliklər barədə xəbərlərdən dərin narahatlıq duyur və hər hansı törədilmiş vəhşiliyə görə məsuliyyət daşıyanlar cavab verməlidir. Sülhə nail olmaq və yaraların sağalması üçün cavabdehlik, məsuliyyət vacibdir.

ABŞ Ermənistan və Azərbaycanın dayanıqlı sülh sazişinin əldə edilməsi istiqamətində atdığı addımları dəstəkləyir və ABŞ Ermənistan və Azərbaycana məsələlərin sülh yolu ilə həllinə kömək etməyə sadiqdir. Biz BQXK-nın, beynəlxalq QHT-lərin və jurnalistlərin dağıntı və zərər iddialarını müstəqil və qərəzsiz qiymətləndirməsinə imkanın verilməsi və araşdırmaq imkanını dəstəkləyirik”.