Son dəqiqə: Silahlı insidenti törədənlərdən biri saxlanıldı, digəri məhv edildi

Xətai rayonunda cinayət əməlini törətməkdə şübhəli bilinənlərdən bir nəfər saxlanıldı, polisə silahlı müqavimət göstərən bir nəfər məhv edildi.

Teleqraf.com xəbər verir ki, DİN-in Mətbuat Xidmətinin şöbə rəisi polis polkovnik-leytenantı Elşad Hacıyev məlumat verib.

Onun sözlərinə görə, əməliyyat tədbirləri davam edir: "Əlavə məlumat veriləcək".

Qeyd edək ki, bu gün Xətai rayonu ərazisində “Bravo” hipermarketə silahlı basqın nəticəsində “Unibank”ın əməkdaşı Samir Şeydayev müxtəlif xəsarətlər alıb, onun mühafizəsini təşkil edən Rəqəmsal İnkişaf və Nəqliyyat Nazirliyinin əməkdaşı Rüfət Həşimov isə ölüb.