Paşinyandan Azərbaycana mesaj: “Ermənistan hazırdır”

Ermənistanın Brüssel və Praqada əldə olunmuş razılaşmalara, habelə Rusiya Prezidenti, Azərbaycan Prezidenti və Ermənistan Baş nazirinin imzaladığı anlaşmalara sadiqliyini vurğulayıram.

Teleqraf.com xəbər verir ki, bunu Ermənistan Baş naziri Nikol Paşinyan hökumətin iclasında deyib.

Çıxışında Azərbaycan əleyhinə təxribatçı və hədsiz ifadələrə yer verən baş nazir Laçın yolu ilə bağlı “blokada” ifadəsini işlədib. Eyni zamanda, Qarabağ erməniləri ilə rəsmi Bakının nümayəndələri arasında dialoq və Qarabağ ermənilərinin “hüquq və təhlükəsizliyinin təmin edilməsi”ndən danışıb. Bütün bunları dilə gətirərkən Xankəndini "stepanakert", Qarabağın erməni sakinlərini isə "dağlıq qarabağ xalqı" adlandırıb.

“Bütün bunlara əsaslanaraq Ermənistan Azərbaycanla sülh və münasibətlərin nizamlanması sazişini imzalamağa hazırdır”, - Paşinyan bildirib.