“Nəhayət, Azərbaycanla sülh müqaviləsi imzalana bilər” - Akopyan

“Danışıqlar prosesi çərçivəsində müzakirəyə ehtiyacı olan çoxlu məsələlər var”.

Teleqraf.com xəbər verir ki, bunu Ermənistanın hakim “Vətəndaş Müqaviləsi” Partiyasının deputatı Vaqarşak Akopyan deyib.

Onun sözlərinə görə, Azərbaycanla Ermənistan arasında sülh müqaviləsinin imzalanması üçün bütün imkanlar yaradılıb.

“Sülh sazişi Ermənistanın təhlükəsizliyi və gələcək inkişafı üçün etməli olduğumuz ən mühüm prosesdir. İndi elə bir prosesdəyik ki, məncə, nəhayət, həmin müqavilənin imzalanmasına nail olmaq üçün bütün imkanlar yaradılıb. Bu müqavilə ölkəmizin maraqlarına uyğun olacaq”, - Akopyan bildirib.