Salyanda mağazalardan oğurluq edən şəxslər tutuldu

Salyan rayonunda mağazalardan oğurluq edən şəxslər həbs edilib.

Teleqraf.com xəbər verir ki, Salyan Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində dekabrın 15-də rayon sakini Ramiz Baxışova məxsus mağazadan 250 manat, spirtli içki, tütün məmulatı, danışıq kartları və ərzaq məhsulları oğurlamış həmyerliləri Rəfayel Eyvazzadə və əvvəllər məhkum olunmuş Aqil Məmmədov tutulublar.

Ətraflarında aparılmış əməliyyat tədbirləri ilə onların noyabrın 13-də Şükür Zeynalova məxsus mağazadan 30 manat pul, danışıq kartları və ərzaq məhsulları oğurlamaları da müəyyən edilib.

Hacı Zeynalov