Salyanda yanğın baş verdi, 7 nəfər təxliyə olundu

Martın 23-nə keçən gecə Salyanda yanğın hadisəsi baş verib.

Teleqraf.com Fövqəladə Hallar Nazirliyinin rəsmi saytına istinadən xəbər verir ki, Salyan şəhərində ikimərtəbəli yaşayış binasının ikinci mərtəbəsində vətəndaşa məxsus ümumi sahəsi 69 kvadrat metr olan 4 otaqlı mənzilin bir otağının və mətbəxinin yanar konstruksiyaları 32 kvadrat metr sahədə yanıb.

Yanğın zamanı yanğınsöndürənlər binanın 7 sakinini təxliyə edib. Mənzilin qalan hissəsi və digər mənzillər yanğından mühafizə olunub.

Yanğını saat 05:29-da yanğınsöndürənlər söndürüb.

İLHAMƏ