Hikmət Xəlil Kərzai: “Azərbaycan Əfqanıstanda sabitliyin bərpasında mühüm rol oynayır”

"Azərbaycan "Asiyanın ürəyi - İstanbul prosesi" formatının aparıcı ölkələrindən biridir".

Teleqraf.com xəbər verir ki, bu sözləri Əfqanıstan xarici işlər nazirinin müavini Hikmət Xəlil Kərzai Bakıda "Asiyanın ürəyi - İstanbul prosesi" formatının üzv ölkələrinin yüksək səviyyəli rəsmilərinin iclasında deyib.

Onun sözlərinə görə, Azərbaycan Əfqanıstanın yaxın tərəfdaşı kimi bu prosesi dəstəkləyir: "Müxtəlif sahələrdə səylərimizdə mühüm rol oynamaqda davam edir. Ümid edirəm ki, yaxın vaxtlarda Bakıda keçirilməsi planlaşdırılan formatın üzv ölkələrinin xarici işlər nazirləri səviyyəsində görüş bu prosesin irəliləməsi üzrə müsbət nəticə verəcək və biz Əfqanıstanda infrastrukturun bərpası və ölkədə sülh və sabitliyin bərqərar olunması üzrə əhəmiyyətli nəticələr əldə edəcəyik".