Əməkdar artist aparıcını söyüb verilişi tərk etdi

Dünya TV-nin efirində yayımlanan “Gecənin səsi” verilişində qalmaqallı hadisə baş verib.

Mərhum Əməkdar artist Məhəbbət Kazımovun ildönümünə həsr olunan buraxılışda xoşagəlməz anlar yaşanıb.

“Gecənin səsi”ndə iştirak edən xanəndə Ehtiram Hüseynovun verilişin aparıcısı Natiq Dağlaroğluna ünvanladığı suallar qalmaqala yol açıb.

Əməkdar artist adına layiq görülən xanəndə aparıcıya ünvanladığı “Məhəbbət Kazımov haralıdır?” sualına N.Dağlaroğlu “qarabağlıdır” deyə cavab verib.

Ardınca isə E.Hüseynov verilişin digər qonağını göstərərək, “bəs, bu haralıdır?”- deyə soruşub.

Aparıcının “şirvanlı qardaşımızdır” cavabından sonra Əməkdar artist buna kobud reaksiya verib. Belə ki, E.Hüseynov “şirvanlı hara, qarabağlı məclisi hara? Qarabağlı məclisində qarabağlı oxumalıdır” deyib və Natiq Dağlaroğlunu təhqir edib.

Ehtiram Hüseynov hətta aparıcının ünvanına ağır söyüşlər söyləyərək verilişi tərk edib./Minval.info/