Bakıda evdən 7 min manat, 6 min dollar oğurlandı

Bakının Nizami rayonunda oğurluq hadisəsi baş verib.

Teleqraf.com xəbər verir ki, rayon ərazisindəki evlərin birindən 7000 manat və 6000 ABŞ dolları, habelə qızıl əşyaları oğurlanması barədə 24-cü polis şöbəsinə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini Cavad Qurbanov saxlanılıb.

İstintaq araşdırması zamanı məlum olub ki, Cavad Qurbanov əvvəllər də məhkum olunub.

Faktla bağlı cinayət işi başlanıb.