Bakıda sərnişin avtobusu qəzaya uğradı

Bu gün axşam saatlarında Xocalı prospektində 30 nömrəli müntəzəm marşrut xətti ilə hərəkət edən 10-TG-395 DQ N-lı avtobusun iştirakı ilə yol nəqliyyat hadisəsi baş verib.

Bakı Nəqliyyat Agentliyindən Teleqraf.com-a verilən məlumata görə, hadisə zamanı sərnişinlər arasında xəsarət alan olmayıb.

Hadisə Agentlik tərəfindən nəzarətə götürülüb. Hadisə şahidlərinin və avtobus sərnişinlərinin verdiyi məlumata görə, qəza minik maşınının avtobusun yanında sürətli ötmə hərəkəti etməsi səbəbindən baş verib. Qəzanın dəqiq başvermə səbəbi müvafiq qurumlar tərəfindən aparılan araşdırma nəticəsində məlum olacaq.