Xırdalanda keçmiş məhkumdan məcburi köçkünə qarşı dəhşətli - Əməl

Xırdalan şəhərində bıçaqlanma hadisəsi baş verib.

Teleqraf.com xəbər verir ki, aprelin 7-də, saat 21 radələrində Xırdalan şəhəri ərazisindən Cəbrayıl rayon sakini T.Quliyevin kəsilmiş-deşilmiş xəsarətlə xəstəxanaya gətirilməsi barədə Abşeron rayon Polis İdarəsinə məlumat daxil olub.

İstintaq və əməliyyat-axtarış tədbirləri nəticəsində bu cinayət əməlini törətməkdə şübhəli bilinən Xırdalan şəhər sakini, əvvəllər xuliqanlığa görə məhkum olunmuş R.Rzayev qısa müddətdə müəyyən edilərək polis əməkdaşları tərəfindən saxlanılıb.

​T.Quliyev həmin gün xəstəxanada ölüb.

​Faktla əlaqədar Cinayət Məcəlləsinin 126.3-cü (zərərçəkmişin ölümünə səbəb olma) maddəsi ilə cinayət işi başlanıb.