Evdən 9 minlik qızıl oğurlandı - Suraxanıda

Bakının Suraxanı rayonunda oğurluq hadisəsi baş verib.

Teleqraf.com xəbər verir ki, rayon ərazisindəki evlərin birindən 9000 manat dəyərində qızıl-zinət əşyaları oğurlanıb.

Ev sahibi baş verən oğurluq hadisəsi ilə bağlı Suraxanı rayon Polis İdarəsinin 32-ci polis bölməsinə müraciət edib.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər məhkum olunmuş H.Musayev saxlanılıb.

Faktla bağlı cinayət işi başlanıb.