Qazaxda ağır qəza: 1 ölü, 1 yaralı

Qazax rayonunda ağır yol-nəqliyyat hadisəsi baş verib.

Daxili İşlər Nazirliyinin mətbuat xidmətindən Teleqraf.com-a verilən məlumata görə, hadisə rayonun Aslanbəyli kəndi ərazisində qeydə alınıb.

Rayon sakini O.Dərgahquliyev idarə etdiyi “VAZ-2106” markalı avtomobillə yolun kənarında dayanmış kənd sakinləri Ziyad Nəsibovu və Z.Məmmədovu vurub.

Nəticədə onlar xəsarətlə xəstəxanaya yerləşdirilib, Z.Nəsibov orada ölüb.

Faktla bağlı Qazax rayon polis şöbəsində araşdırma aparılır.