Bakı sakinini bıçaqla hədələdilər

Bakının Sabunçu rayonunda quldurluq hadisəsi baş verib.

Teleqraf.com xəbər verir ki, martın 7-də Sabunçu rayon Polis İdarəsinin 12-ci polis şöbəsinə Balaxanı qəsəbəsi ərazisində bir nəfərin qəsəbə sakini B.Məmmədlini bıçaqla hədələyərək 50 manat dəyərində mobil telefonunu alması barədə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Bakı şəhər sakini E.Ağamirzəyev müəyyən edilərək saxlanılıb.

Faktla bağlı araşdırma aparılır.