Bakıda Gülüstan sarayının yaxınlığındakı yanğın söndürüldü

Bu gün Bakıda axşam saatlarında Gülüstan Sarayının yaxınlığında, Teymur Elçin küçəsində otlaq ərazidə yanğın baş verib.

Teleqraf.com-un məlumatına görə, Fövqəladə Hallar Nazirliyinin (FHN) 2 yanğınsöndürən texnikası hadisə yerinə cəlb edilib.

İlkin məlumata görə, yanğın əraziyə atılmış siqaret kötüyündən əmələ gəlib.

Yanğın nazirliyin yanğından mühafizə bölmələri tərəfindən tam söndürülüb.

Ətrafda olan heç bir ağac yanğın zamanı zərər görməyib.