Zaqatalada avtomobil dərəyə aşdı - xəsarət alanlar var

Zaqatalada minik avtomobili dərəyə aşıb.

Teleqraf.com xəbər verir ki, hadisə axşam saat 21:00 radələrində Zaqatala-Mazıx-Qəbizdərə avtomobil yolunun Qəbizdərə kəndi ərazisindən keçən hissəsində baş verib.

Rayon sakini Şəmsəddin Bəxtiyar oğlu Hüseynovun idarə etdiyi "Mitsubishi" markalı 90-XX-835 dövlət nömrə nişanlı minik avtomobili idarəetmənin itirilməsi səbəbindən yol kənarındakı dərəyə aşıb. Nəticədə sürücü Ş.Hüseynov və avtomobildə sərnişin qismində olan Zaqatala rayon sakini Əfqan Teymur oğlu Bayramov aldıqları xəsarətlə Zaqatala Rayon Mərkəzi Xəstəxanasına müraciət ediblər.

Faktla bağlı Zaqatala Rayon Polis Şöbəsində araşdırma aparılır.