Bakıda məişət və təkər tullantıları yandı

Fövqəladə Hallar Nazirliyinin (FHN) “112” qaynar telefon xəttinə Böhran Vəziyyətlərində İdarəetmə Mərkəzinə Bakı şəhəri, Nəsimi rayonu, İlqar İsmayılov küçəsində yanğın olması barədə məlumat daxil olub.

FHN-dən Teleqraf.com-a bildirilib ki, nazirliyin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.

Yanğından mühafizə bölmələrinin çevik müdaxiləsi nəticəsində yanğın qısa müddət ərzində məhdudlaşdırılaraq söndürülüb.

İlkin məlumata əsasən, yol kənarında təqribən 40 kv.m sahədə məişət və təkər tullantıları yanıb.

Yaxınlıqdakı tikililər yanğından mühafizə olunub.