Gəncədə avtoxuliqanlıq edən şəxs tutuldu

Gəncə sakini İlham Nəbiyev şəhərin Hacıkənd qəsəbəsində “VAZ 2107” markalı avtomobillə qarlı havada təhlükəli manevrlər edərək qəza vəziyyəti yaradıb və bu avtoxuliqanlığı videoya çəkərək sosial şəbəkələrdə paylaşıb.

Teleqraf.com xəbər verir ki, bu barədə Daxili İşlər Nazirliyinin Gəncə regional qrupu məlumat yayıb.

Polis əməkdaşlarının apardıqları əməliyyatlar nəticəsində şəhər sakini İ. Nəbiyev saxlanılıb və onun barəsində protokol tərtib edilərək cərimələnib.

Polis əməkdaşları tərəfindən şəhər ərazisində keçirdiyi reydlər nəticəsində ayrı-ayrı ərazilərdə nəqliyyat vasitələrində konstruksiya dəyişikliyi edən sürücülər saxlanılıb. Onların avtomobilləri cərimə meydançasına aparılıb, özləri isə inzibati məsuliyyətə cəlb olunublar.