Quba sakini həmkəndlisini öldürməyə cəhd etdi

Həmkəndlisini öldürməyə cəhd etməkdə şübhəli bilinən şəxs cinayət məsiliyyətinə cəlb edilib.

Bu barədə Teleqraf.com-a Quba rayon Prokurorluğundan bildirilib.

Fevralın 6-da, saat 22 radələrində 1991-ci il təvəllüdlü Hikmət Ağayevin Quba rayonunun Aşağı Atuc kəndi ərazisində xəsarət alması barədə rayon prokurorluğuna məlumat daxil olub.

İlkin araşdırma zamanı 2002-ci il təvəllüdlü Təbriz Hacıyevin bıçaqla Hikmət Ağayevə xəsarətlər yetirərək öldürməyə cəhd etməsinə əsaslı şübhələr müəyyən edilib.

Faktla bağlı Cinayət Məcəlləsinin 29,120.1-ci (qəsdən adam öldürməyə cəhd) maddəsilə cinayət işi başlanıb.

İbtidai istintaq davam etdirilir.