Baş Prokurorluqdan qadının güllələnməsi barədə - Açıqlama

Baş Prokurorluq paytaxtın Səbail rayonunda qadının güllə xəsarəti alması barədə məlumat yayıb.

Baş Prokurorluğun Mətbuat xidmətindən Teleqraf.com-a bildirilib ki, yanvarın 16-da paytaxtın Səbail rayonu ərazisində Cəmilə Məmmədovaya ov tüfəngindən atəş açılmaqla xəsarət yetirilməsi faktı ilə bağlı rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsilə istintaq aparılır.

İlkin istintaqla cinayətin Rəşad Əsədzadə tərəfindən aralarında yaranmış mübahisə zamanı törədilməsinə əsaslı şübhələr müəyyən edildiyindən o, şübhəli şəxs qismində tutularaq istintaqa cəlb olunub.