Ronaldo təcili yardım çağırdı

"Real"ın futbolçusu Kriştiano Ronaldo xoşagəlməz hadisə ilə üzləşib.

Qol.az-ın "Marca"ya istinadən yaydığı xəbərə görə, portuqaliyalı hücumçu ötən bazar günü istirahətdən qayıdan zaman əlindəki ağrı səbəbindən idarə etdiyi avtomobili dayandırıb və təcili yardıma zəng vurub. K.Ronaldonun avtomobili üçün evakuator da çağırılıb.

Qeyd edək ki, Ronaldo İspaniya La Liqasının 19-cu turunda "Malaqa" ilə oyunda meydana əli sarıqlı vəziyyətdə çıxıb.