Azərbaycan təmsilçilərinin hakimlik dərəcələri müəyyənləşdi

Gürcüstanın Tbilisi şəhərində keçirilmiş (11-16 fevral) batut, tamblinq və ikili mini batut üzrə beynəlxalq hakimlik kurslarının nəticələri açıqlanıb.

Azərbaycan Gimnastika Federasiyasından Teleqraf.com-a verilən məlumata görə, kurslarda iştirak etmiş Azərbaycan təmsilçiləri Kamil Quliyev batut gimnastikası üzrə 4-cü, Abdulla Qasımov tamblinq üzrə 4-cü, Adil Hüseynzadə isə tamblinq üzrə 3-cü hakimlik dərəcəsini əldə ediblər.

Qeyd edək ki, bu kateqoriyalar hazırkı Olimpiya dövrü ərzində (2017-2020) qüvvədə olacaq.