Deputat futbolçumuzun Avropaya transferindən danışdı

Millət vəkili Fazil Mustafa “Bakı”nın hücumçusu Valeh Seyidovun Portuqaliyanın “Louletano” klubuna keçidini şərh edib.

Teleqraf.com xəbər verir ki, deputat futbol dünyasında baş verən bu transferlə bağlı sevincini belə ifadə edib:

“Bu xəbəri böyük sevinclə qarşıladım. Virtual və həyat dostluğumda olan Valehin ikinci divizionda oynayan Portuqaliya klubu ilə müqavilə bağlaması və legioner həyatına başlaması Azərbaycan futbolu üçün diqqətəlayiq uğur sayılmalıdır. Bir neçə yaş qruplarında çempionatların bombardiri olan "Bakı" futbol komandasının yetirməsi Valehi olimpiya yığma komandasına da, milli komandaya da çağırmadılar, əvəzində Portuqaliya klubu kəşf etdi ki, Azərbaycanda belə bir futbolçu var".