“Araz Naxçıvan” – “Qarabağ” görüşünün vaxtı dəyişdi

Ağdamın “Qarabağ” və Bakının “Neftçi” komandalarının UEFA Avropa Liqasının pley-off mərhələsinin ilk oyunlarını avqustun 21-i keçirmələri və onların Peşəkar Futbol Liqasına müraciəti nəzərə alınaraq təqvimdə dəyişikliklər edilib.

Teleqraf.com Peşəkar Futbol Liqasının saytına istinadla xəbər verir ki, Topaz Premyer Liqasının üçüncü turunun “Araz Naxçıvan” – “Qarabağ” görüşü avqustun 23-dən 24-nə keçirilib. Bu komandaların əvəzedici heyətləri arasındakı matç da avqustun 24-də keçiriləcək.

Topaz Premyer Liqasının üçüncü turunun “AZAL” – “Neftçi” qarşılaşması isə avqustun 24-dən 25-nə dəyişdirilib.