"Qarabağ"ın rəqibinin oyununda 6 qol

Avropa Liqasının qrup mərhələsində “Qarabağ”ın rəqiblərindən olan “Düdelanj” Lüksemburq çempionatında növbəti oyununa çıxıb.

Teleqraf.com xəbər verir ki, komanda öz meydanında “Rasinq Lüksemburq”u qəbul edib. Altı qolun vurulduğu matçda qalib müəyyənləşməyib – 3:3.

"Düdelanj"ın heyətində Kobe Kools (40), Loren Mendi (71) və Danel Sinani (83) fərqlənib.

“Düdelanj” 5 turdan sonra 4 xalla 14 komanda arasında 11-ci pillədə qərarlaşıb.

Qeyd edək ki, “Qarabağ” "Düdelanj”la oktyabrın 3-də səfərdə qarşılaşacaq.